სტუდენტთა დასაქმების ხელშეწყობის მიზნით, კოლეჯში „აისი“ საინფორმაციო შეხვედრა გაიმართა. სასტუმრო „ყვარლის ტბის“ წარმომადგენლებმა, პროფესიული სასწავლებლის სტუდენტებთან მიმდინარე ვაკანსიების შესახებ ისაუბრეს.

შეხვედრა კითხვა-პასუხის რეჟიმში წარიმართა. დაიგეგმა შემდგომი ურთიერთთანამშრომლობის გეგმები. სტუდენტებმა სურვილი გამოთქვეს, რომ ადგილზე გაეცნონ მუშაობის სპეციფიკას. სტუდენტებმა სასტუმროს წარმომადგენლებისგან მიიღეს დაპირება, რომ დაიგეგმება ინფოტური სასტუმროში „ყვარლის ტბა“.