ქარსაფარი ზოლების გაშენების თაობაზე, კოლეჯის „აისი“ ლაგოდეხის ფილიალში, არაფორმალური სასწავლო კურსი დაიწყო.

კურსში მონაწილე სამიზნე ჯგუფის წევრებისთვის პირველ ტრენინგზე განხილული იყო მდგრადი განვითარების ის მიზნები, რომელთა მიღწევასაც ხელს უწყობს ქარსაფარი ზოლები: შიმშილის აღმოფხვრა; ხელმისაწვდომი ჯანდაცვა; სუფთა წყალი და სანიტარია; ხელმისაწვდომი და მდგრადი ენერგია; ღირსეული სამუშაო და ეკონომიკური ზრდა; მდგრადი ქალაქები და დასახლებები; კლიმატის ცვლილების საწინააღმდეგო ქმედებები; დედამიწის ეკოსისტემები.

სასწავლო კურსის მონაწილეებმა ასევე მიიღეს ინფორმაცია ძირითადი მერქნიანი სახეობების ბიო-ეკოლოგიისა და განმასხვავებელი ნიშნების შესახებ. გაეცნენ მერქნული თვისებების დახასიათებას, რომელიც რეკომენდირებულია ქარსაფარი ზოლების გაშენებისთვის როგორც აღმოსავლეთ საქართველოში, ისე მთელს ქვეყანაში.

სასწავლო კურსის თემატიკების განმახორციელებელია სატყეო საქმის მასწავლებელი, ეკატერინე ბალარჯიშვილი.

სწავლის დასრულების შემდეგ, გაიცემა სერტიფიკატი.