კოლეჯის „აისი“ პროფესიული სტუდენტებისა და მასწავლებლების ჩართულობით, გურჯაანის „ტექნოპარკში“ სიმულაციური თამაშები მოეწყო.

ღონისძიება კოლეჯის „განთიადი“ მიერ წარდგენილი და პროფესიული უნარების სააგენტოს მიერ დაფინანსებული პროექტის - „სამეწარმეო კომპეტენციების განვითარება ბიზნეს სიმულაციების გამოყენებით სწავლების პროცესში“ ფარგლებში გაიმართა.

როლური თამაში სრულად მოიცავს საწარმოო პროცესების ჯაჭვს იდეის გააზრებიდან - შემოსავლის გენერირებამდე და შესაძლებლობას იძლევა რამდენიმე საკვანძო კომპეტენციის განვითარებას, მათ შორის: წიგნიერების; მულტილინგვისტურობის; მოქალაქეობის; სამეწარმეო, ციფრული და სხვ.

სიმულაციურ თამაშებს უძღვებოდნენ: პროექტის კოორდინატორი ნათია ჟოჟუაშვილი; პროექტის კონსულტანტები: ნანა ქვრივიშვილი და პაატა ცაგარეიშვილი.

ღონისძიებას ესწრებოდნენ პროფესიული უნარების სააგენტოს არაფორმალური საგანმანათლებლო სერვისების დანერგვის სპეციალისტები: ნანა ჭანტურია და ანა ელბაქიძე.

დასასრულს, გამოვლინდა გამარჯვებული გუნდები, რომელთაც საჩუქრად წიგნების მაღაზია „ბიბლუსის“ ვაუჩერები გადაეცათ. პროექტის ყველა მონაწილემ მიიღო სერტიფიკატი.