კოლეჯში „აისი“ მესხური კულინარიის მასტერკლასი მოეწყო.

ახალციხელმა ზაზა ივანიძემ, რომელიც მესხური ტრადიციული კერძების გადარჩენას ცდილობს, კოლეჯის პროფესიული სასწავლებლის სტუდენტებსა და მსმენელებს მესხური ხაჭაპურის, ქადის, პურისა და თათარბერაგის მომზადება ასწავლა. მასტერკლასში კოლეჯის კულინარიის ხელოვნების პროფესიული მასწავლებლებიც მონაწილეობდნენ.

მასტერკლასის მოწყობის მიზანს წარმოადგენს სხვადასხვა რეგიონების ტრადიციული კერძებისა და მათი მომზადების ტექნიკის გაცნობა; კულინარიის სპეციალობის სტუდენტებისა და მსმენელების პროფესიული უნარების გაუმჯობესება.

ღონისძიება მოეწყო იაპონიის საერთაშორისო თანამშრომლობის სააგენტოს (JACA) მოხალისეების - იუკო ოტასა და თამაკი საკაის ინიციატივით. იუკო ოტა, კაჭრეთში, კოლეჯში „აისი“ მოხალისედ მუშაობს. თამაკი საკაი, ახალციხეში, არასამთავრობო ორგანიზაცია „სამყაროს“ მოხალისეა.