კოლეჯი „აისი“ კამპანიას „მშობლის დღე სკოლაში“ შეუერთდა.

სოფელ არაშენდის საჯარო სკოლას, კოლეჯის ის თანამშრომელები ეწვივნენ, რომელთა შვილებიც ამ სასწავლებელში  სწავლობენ.

პროფესიული სასწავლებლის იურისტმა, გვანცა პაკატილოვმა მოსწავლეებს ის პროფესიული საგანმანათლებლო პროგრამები გააცნო, რომელიც კოლეჯში ისწავლება. ისაუბრა იმ შესაძლებლობებზე, რომელიც პროფესიული სასწავლებელი სტუდენტებს სთავაზობს.

პროფესიულმა მასწავლებლებმა, ილია ხარაზიშვილმა და ილია პიტიურიშვილმა საჯარო სკოლის მოსწალეებს გააცნეს საკუთარი პროფესები, რომელიც მოიცავს მეფუტკრეობისა და კულინარიის ხელოვნების სფეროებს.

იაპონიის საერთაშორისო განვითარების სააგენტოს (JACA) მოხალისემ, ჯუნ იამამოტომ და კოლეჯის მინი საკონსერვო საწარმოს თანამშრომელმა, მარიამ ორველაშვილმა, „ტყლარწის“ კეთების მასტერკლასი ჩაატარეს და მოსწავლეებს საკუთარი ხელით გააკეთებინეს პოპულარული გასართობი.

სოფელ არაშენდის საჯარო სკოლაში მოწყობილმა ღონისძიებამ, მოზარდებში დიდი დაინტერესება გამოიწვია. გამოითქვა სურვილი, რომ ასეთი ტიპის ღონისძიება საჯარო სკოლაში კიდევ გაიმართოს.