აუტიზმის საერთაშორისო დღესათან დაკავშირებით, კოლეჯში საინფორმაციო შეხვედრა გაიმართა
მსოფლიოში აუტიზმის შესახებ ცნობადობის ამაღლების საერთაშორისო დღესთან დაკავშირებით, კოლეჯში საიფორმაციო ხასიათის შეხვედრა გაიმართა.
პროფესიული სტუდენტების ცნობიერების ასამაღლებლად, კოლეჯის ინკლუზიური განათლების სპეციალისტებმა წარმოადგინეს პრეზენტაცია აუტიზმის სპექტრის მქონე ადამიანების შესახებ. ღონისძიებაზე ნაჩვენები იყო ფილმი, სადაც გადმოცემულია ის მდგომარეობა, რომელის აუტიზმის სპექტრის აშლილობას ახლავს. დღის აღსანიშნავად, სტუდენტებმა სიმბოლურად, ფაზლები შეღებეს.
საინფორმაციო შეხვედრა კოლეჯის ინკლუზიური განათლების გუნდისა და სტუდენტური სერვისების სპეციალისტის თანამშრომლობით გაიმართა.
2007 წლის 18 დეკემბერს გაეროს გენერალურმა ასამბლეამ 2 აპრილი აუტიზმის შესახებ ინფორმაციის გავრცელების მსოფლიო დღედ გამოაცხადა.
აუტიზმის მსოფლიო დღის აღნიშვნის მიზანია, გაზარდოს საზოგადოების ცნობიერების დონე აუტიზმთან დაკავშირებით. ასევე ხელი შეუწყოს აუტიზმის მქონე ადამიანების ფუნდამენტური უფლებების დაცვასა და რეალიზაციას.