ხელოვნების სახლი გაიხსნა 2015 წელს, სადაც ეწყობა გამოფენები, იმართება კონკურსები, სხვადასხვა სახის ღონისძიებები და შეხვედრები.

2022 წელს, პროფესიული უნარების სააგენტოს მიერ გამოცხადებული საგრანტო კონკურსის ფარგლებში, დაფინანსდა პროექტი, რომლის შედეგად, კოლეჯში შეიქმნა მატერიალურ-ტექნიკური რესურსით აღჭურვილი ახალგაზრდული სივრცე მრავალფეროვანი შესაძლებლობებით. ახალგაზრდული სივრცე განთავსებულია ხელოვნების სახლში.

ახალგაზრდული სივრცე აღჭურვილია თანამედროვე ბიბლიოთეკით, სამაგიდო თამაშებით, სპორტული ინვენტარით, კომპიუტერული ტექნიკით, პროექტორით, ტელევიზორით, მუსიკალური ცენტრით (ბლუთუზ-დინამიკით) და ყველა საჭირო ნივთით.

ახალგაზრდული სივრცე სტუდენტებს შესაძლებლობას აძლევს, თავისუფალი დრო ეფექტურად და ნაყოფიერად გამოიყენონ.