საქართველოში სურსათის უვნებლობის გაუმჯობესების საკითხზე, კოლეჯში „აისი“ საგანმანათლებლო ლექცია-ტრენინგი გაიმართა.

გაეროს სურსათისა და სოფლის მეურნეობის ორგანიზაციის (FAO) წარმომადგენელმა, თამარ ოთხმეზურმა, ტრენინგზე შემდეგი თემები განიხილა: სურსათის უვნებლობა ღვინის წარმოებაში, ღვინის ხარისხი და შესაძლო საფრთხეები; ჰიგიენისა და სანიტარიის სანიმუშო პრაქტიკები მარანში; HACCP-ისა და წინასწარი მოსამზადებელი პროგრამის დანერგვა მეღვინეობაში.

ტრენინგი, რომელსაც კოლეჯის სტუდენტები, მსმენელები და პროფესიული განათლების მასწავლებლები ესწრებოდნენ, ევროკავშირის და შვედეთის მიერ დაფინანსებული პროექტის ENPARD IV-ის ფარგლებში გაიმართა.