რუსუდან გონაშვილმა, თექაზე მუშაობა კოლეჯის დედოფლისწყაროს ფილიალში შეისწავლა. დღეს რუსუდანი სხვადასხვა მარკეტინგულ ორგანიზაციებთან თანამშრომლობს, რომლებიც მის ნამუშევრებს ყიდიან.

ვალერი მახარიაშვილმა , პროფესიული საგანმანათლებლო პროგრამა - კულინარიის ხელოვნება დაამთავრა. ის კულინარიული შოუს „მასტერშეფი“ ოქროს წინსაფრის მფლობელი და ფინალისტია.

ვიტალი ქეშიკაშვილმა, პროფესიული საგანმანათლებლო პროგრამა - ელექტროობა დაამთავრა. დღეს ვიტალი ჰიდროელექტროსადგურ „ხადორჰესის“ სარემონტო განყოფილების უფროსია.

გოდერძი ბრეკაშვილმა, პროფესიული საგანმანათლებლო პროგრამა - ვეტერინარია დაამთავრა. გოდერძიმ მუშაობა სწავლის დასრულებისთანავე დაიწყო. დღეს ის 3 ფერმერული მეურნეობის ვეტერინარია.

გიორგი თოდუამ, ხის მხატვრული დამუშავება შეისწავლა. სწავლის დასრულებისთანავე, მან საკუთარი ავეჯის საწარმო გახსნა. პროგრამის „აწარმოე საქართველოში“ ფარგლებში, გიორგიმ მცირე საწარმოს გაფართოება შეძლო.

გიორგი სეფიაშვილმა, პროფესიული საგანმანათლებლო პროგრამა - ვეტერინარია დაამთავრა. დღეს გიორგი კახეთის რეგიონის მიუსაფარი შინაური ცხოველების მართვის სააგენტოს მთავარი ქირურგია.

ოთარ ოდიშელიძემ, კოლეჯში მეფუტკრეობა შეისწავლა . დღეს ოთარს საკუთარი მეურნეობა აქვს, სადაც ფუტკრის ყველა პროდუქტი მოიპოვება. მეურნეობაში შესაძლებელია ფუტკრის ოჯახების შეძენაც.

თამრიკო ჯიქურაშვილმა, პროფესიული საგანმანათლებლო პროგრამა - თმისა და სილამაზის მომსახურება დაამთავრა. მან სილამაზის სალონი საკუთარ სახლში მოაწყო და მომხმარებელს მრავალფეროვან სერვისს სთავაზობს.

ვანო ბუზალაძემ ბაღის მოვლა კოლეჯის ლაგოდეხის ფილიალში შეისწავლა. მან ინტეგრირებული პროგრამა - მებაღეობა დაამთავრა. ახლა ვანო ა(ა)იპ ლაგოდეხის სერვის ცენტრის მებაღეა.

შალვა აბრამიშვილმა, ინფორმაციის ტექნოლოგია CISCO-ს აკადემიის კურსით გაიარა. ის ინფორმაციული ტექნოლოგიების სფეროს წამყვან კომპანიაში „იუ ჯი თი“ მუშაობს ტექნიკური მხარდაჭერის ინჟინრების ჯგუფის ხელმძღვანელად.

გურამ გოგოლაძემ, პროფესიული საგანმანათლებლო პროგრამა - ბუღალტერია ლაგოდეხის ფილიალში დაამთავრა. ის შშმ პირთა საკითხებზე მომუშავე ორგანიზაციას ხელმძღვანელობს და საბუღალტრო საქმეს უძღვება.

თეონა სახეიშვილმა, მომინანქრება ქვემო ალვანის ფილიალში შეისწავლა. ის ტიხრულ მინანქარში სამკაულებსა და ნახატებზე მუშაობს. თეონას ნამუშევრები წარმოდგენილია საგამოფენო სივრცეებში, სადაც ნებისმიერ მსურველს მისი შეძენა შეუძლია.

მარიამ რუაძემ, პროფესიული საგანმანათლებლო პროგრამა - მევენახეობა-მეღვინეობა დუალური მიდგომით დაამთავრა. მარიამი მევენახეობას მისდევს და 2 ჰექტარზე გაშენებულ საფერავისა და რქაწითელის ჯიშის ვენახს უვლის.